Յռէթէոս գերհրաշալին
Որ աշակերտն էր Պօղոսին,
Որ ի գովեստ Աստուածածնին
Զարհուրեցոյց զհրեղէնս վերին:
Յայնժամ սրբոյ Աստաածածնին
Կամէր վճարել զկեանս երկբային
Եւ փոխադրիլ առ իւր որդին,
Որ հրաւիրեալն էր նա նմին:
Իսկ Յոհաննու աւետարանչին
Յայտնէ զփայտ սուրբ պատկերին,
Որ էր մասն սրբոյ խաչին,
Զոր կենսատուին մեր կազմեցին:
Յայնժամ ի միտս եկեալ նոցին
Վասն անջատման յինքեանց նորին,
Նկարակերտ նման նմին
Կազմեն զշերտն կիպարին:
Եւ Յոհաննու կուսի որդին,
Որ Յիսուսէ փոխանորդի,
Ինք կոփեալ զձև պատկերին,
Զոր առ Պետրոս հանդերձ գնդիւն:
Առաքելովք ամենայնին
Աղաչեցին զԱստուածածին.
«Ա՛ռ զտախտակս զայս և օրհնեար,
Որ քո փոխան երկրպագին:
