Ամենայն ոք ումեք տենչայ ըստ իրաւին,
Թէ ըստ բնութեան բաղձայ տենչմունքըն յարմարին,
Արդ, է տենչալն ապականել նախաչարին,
Ապաքէն և ինքն է յայնց, որք ապականին:
Եւ թէ անեղ է չարութիւն ըստ իւր գոյին,
Ընդ բնութեանըն գոյանայ չար գոլ նըմին,
Ամենայն գործք ըստ բընութեան մեղք ո՛չ ասին,
Ո՛չ մեղանչեն, ուրեմն այնք, որք բնութեամբ վարին:
Արդ մեղանչէ չարն ամէն ոք խոստովանին,
Քանզի որք ոչըն մեղանչեն, ո՛չ բանբասին,
Այլ բամբասիլն աներկբայ է սատանային,
Ապա ուրեմն ո՛չ է անմեղ, որպէս ասին: