ԱՂԵՐՍ ԱՌ ՍՈԻՐԲ ՀՈԳԻՆ ԱՍՏՈԻԱԾ
Առ անփոփոխ աստուածութիւն,
Հոգւոյդ սրբոլ, հըզօրի,
Աղերս անկեալ աղաղակենք
Եւ անկանիմք առաջի:
Ցողեա ի քոյ շնորհաց ցողոյդ
Ի մեր հոգիս մեղսալի,
Տալով մեզ յոյս ներըսկզբան
Այսմ երջանիկ Մատենի:
Զի կարասցուք առ հասանիլ
Յաւարտ սորին բերկրալի,
Յօգուտ հանարց մերազնէից,
Մանկանց սըրբոյ Սիօնի:
Որ է Մատեան հառաչանաց,
Նարեկացւոյն Գրիգորի,
Աստուածաբան վարդապետի,
Եւ ճըգնասէր հըսկողի:
