և զերկնային արքայութիւնն ստանալ:
Թէ ասա հեզ գաս ի հոգևոր վաստակէն,
անդ զրկեցեալ լինիս յանճառ պսակէն:
Զոր օրինակ, որ ի գործել ծուլանայ,
զաւուր պաշարն ամօթանք մուրանայ:
Նոյնպէս որ աստ ո՜չ աշխատի ի բարիս,
չունի լինիլ մասնակից ընդ արիս:
Ծոյլ որպէս փշատարած ագարակ,
և զանազան վատթարութեանց ընդունակ:
Դարձեալ ծոյլն է որպէս զջուր հանգուցեալ,
զանազանիւք աղտեղութեան առլցեալ:
Ծոյլն է որպէս երկաթ թաղեալ ժանկունակ,
հանուրց անշարժ վատթարութեանց օրինակ:
Դատարկակեաց և անարի ծոյլ ոգին,
սատանային է փետրալից անկողին:
Է անծածկոյթ և միշտ բացեալ զպատուհան,
որ ամենայն չար փորձութիւնք ընթանան:
Դատարկակեացն է կավեղէն աշտարակ,
սրբեալ նետից չարին բարւոք նշաւակ:
Ծորն կամի զկարգ բնութիւնն եղծանել,
զի յօժարի հնձել և ոչ սերմանել:
Եւ արդ, որով հետ և ո՛չ տեսանի,
թէ մահն յորո՞ւմ ժա՛մու արդեօք հասանի:
Պարտիմք հսկել և ո՜չ երբէք լքանել,
և գալստեան նորին պատրաստ գտանել.
Դաւիթ ասէ, թէ վաստակեայ յաւիտեան,
և յաւելու, թէ կեցցես մինչ ի վաղճան: