Սիրովդ եղէ, սիր՛ովդ եղէ սիրահար գերիս,
Սիրոյ քո վէրքն ի սըրտիս, ի սըրտիս շաղեցաւ,
Ե՜Կ. ե՜կ, ե՜կ,
Ո՜վ ի՛մ ազնիւ, ե՜կ։
Հըրովդ եղէ, հըրովդ եղէ հըրահար գերիս,
Կարօտոյդ հուրն ի հոգիս, ի հոգիս վառեցաւ.
Ե՜կ, ե՜կ, ե՜կ,
Ո՜վ իմ ազնիւ, ե՜կ։
Տըխրասրտեալ, տրտմասրտեալ, սըգալի նըստիմ,
Քանի եմ ես ի քէն զատ, ի քէն, ո՜չ բընաւ բերկրիմ,
Իմ արեգակն, իմ արուսէակն հեռացաւ յինէն,
Ուրախութեան ճրագ՛ն իմ, ճրագն իմ մարեցաւ.
Ե՜կ, ե՜կ, ե՜կ,
Ո՜վ իմ ազնիւ, ե՜կ։
Սիրտ իմ ըզքեզ ո՜չ լքի երբէք մոռանալ գիտէ,
Այլ հանապազ սըգով, սըգալով զգալուստ քո դիտէ,
Իբրու տատրակ ընկերազուրկ անուրախ նստեալ,
Մինակիկ ի չոր ճըղի, չոր ճըղի թառեցաւ.