Իմ աննըման յոյժ գովելի,
Արարեր զիս ողորմելի,
Տեսոյդ գերի-լինիմ, գերի.
Արի՛, սէր իմ, արի՛, արի՛,
Զարթի՞ր ի քընոյդ:
Իմ աննըման տիպ գերազանց,
Դու թագուհի ամէն ծաղկանց,
Գարունն էհաս, ձըմեռն էանց,
Արի՛, սէր իմ, արի՛, արի՛,
Զարթի՛ր ի քընոյդ:
Իմ աննըման, ես քո սիրուն
Միշտ դեգերեալ կամ երերան,
Չի՛ խարշէ զքեզ շողն արևուն,
Արի՛, սէր իմ, արի՛, արի՛,
Զարթի՛ր ի քընոյդ:
Քո խղճալի երգնակն եմ ես,
Միշտ ի բոյին դռնակն եմ ես,
Զի քո տեսոյն խնդրակն եմ ես.
Արի՛, սէր իմ, արի՛, արի՛,
Զարթի՛ր ի քրնոյդ: