Իմ հեռաբնակ հոգւոյս հատոր,
Զքեզ գըտած օրերս ո՞ւր գընաց,
Ոը ա՛յժմ յինէն եղեր խոտոր,
Զքեզ տեսած օրերս ո՞ւր գընաց,
Ո՛հ, ո՞ւր գընաց, վո՛հ, ո՞ւր գընաց,
Բերկրեցած օրերս ո՞ւր մընաց:
Որ ինչ սիրովդ եղէ զմայլօղ,
Չեղև այժմու սըգոյս արժօղ,
Ո՜վ իմ՝ զիս միշտ ի յողբ շարժօղ,
Զքեզ գըտած օրերս ո՞ւր գընաց,
Ո՛հ, ո՞ւր գընաց, վո՛հ, ո՞ւր գընաց,
Բերկրեցած օրերս ո՞ւը մընաց:
Ուրախակից, լացակից իմ,
Սեղանակից, հացակից իմ,
Սիրսյ յարկին կացակից իմ,
Զքեզ գըտած օրերս ո՞ւր գընաց,
Ո՛հ, ո՞ւր գընաց, ո՛հ, ո՞ւր գընաց,
Բերկրեցած օրերս ո՞ւր մընաց:
Քս կարօստվդ կու տառապիմ,
Կու խորովիմ և կու տապիմ,
Ով անդրանիկ դու նորապիմ,
Զքեզ գըտած օրերս ո՞ւր գընաց,
Ո՛հ, ո՞ւր գընաց, վո՛հ, ո՞ւր գընաց,
Բերկրեցած օրեըս ո՞ւր մընաց: