Էջ:Paghtasar Dpir, Taghs (Պաղտասար Դպիր, Տաղեր).djvu/41

Որ թէ իցեմ միակ իշխան՝
Տիրօղ երկրիս միահեծան,
Ինձ բոլոր գոյքս յազումն ո՜չ տան,
Տեսոյդ կարօտ եմ, կարօտ եմ:

Հուր քո սիրոյդ գալարէ զիս,
Թէպէտ մարմինս տարափէ յիս,
Որքան ի մարմնի է հոգիս՝
Տեսոյդ կարօտ եմ, կարօտ եմ,
Ո՜վ ճշմարիտ անհամեմատ սիրելի:

23

Ո՜վ համայնից փափագելի,
Երևեցո զերեսըս քո,
Փափագմամբ երկըրպագելի,
        Սէր իմ,
Երևեցո զերեսըս քո:

Հեռացելոյս կամաւ ի քէն,
Հեռացուցչիս ըզքեզ յինէն,
Ողորմելով դարձեալ անդրէն,
        Սէր իմ,
Երևեցո զերեսըս քո:

Ողորմելի անկեալ հոգւոյս,
Ներարգելման թըշուառ մարմնոյս,
Հըրով սիրոյդ գալարելոյս,
        Սէր իմ,
Երևեցո զերեսըս քո: