Սիրոյ քո քամին զիս առեալ յարածէ, յարածէ,
Սիրոյդ նաւուս զառագաստն տարածէ, տարածէ, տարածէ,
Այլ զի ուղղիչ խելքս ի գլխոյս տարած է, տարած է.
Ուստի յարակ աստանդելով երերիմ, երերիմ, երերիմ:
Քանի աչքն իմ ի քո տեսոյդ հեռանի, հեռանի,
Որպէս զջուր իբր ի կաթսայս, եռանի, եռանի, եռանի,
Եւ զի՜նչ ասեմ, թէ մեռանի, մեռանի, մեռանի,
Ուստի արժան է ինձ ասել մեռանիմ, մեռանիմ, մեռանիմ:
Ունայնութեամբ զանցեալ օրերս ցըրեցի, ցըրեցի,
Հոգոյս իմոյ և ո՜չ զօր մի ձըրեցի, ձըրեցի, ձըրեցի,
Տարիքն իմ զեօթնասուն անցեալ գըրեցի, գըրեցի,
Աւա՜ղ, աւա՜ղ, միշտ գոչելով՝ ծերեր իմ, ծերեր իմ, ծերեր իմ:
