Որ արարեր զիս ի պատկեր
Քո և այժմիկ արարեր ծեր,
Ի յանդընդոց խորոց ի վեր
Բերել կտրես՝ թէ կամենաս:
Ո՜վ լըցուցիչ մերոց կարեաց,
Որ կամեցօղ ես դու բարեաց,
Անթիւ անհուն իմոց չարեաց,
Ներել կարես՝ թէ կամենաս:
Որ արարեր զիս ի հողոյ,
Անհընարին քեզ ինչ չըգոյ,
Դու ի քարանց՝ սեռս արդարոյ
Սերել կարես՝ թէ կամենաս:
Որ և առնել վերին զներքինս,
Եւ առաջին՝ հուսկ ըզվերջինս,
Զանթիւ գրեալ ըզմեղս անձինս
Քերել կարես՝ թէ կամենաս: