Ի վերայ կարգապանծ անառակ դասուց,
Ո՞րպիսի աղէտիւ ողբս յօթինեցից,
Թաթաւեցեալ չաթեօք խղճալի պաթուց՝
Ո՞րպիսի հառաչմամբ աւաղ կարդացից:
Անւանեցան աղբիւրք սուրբ եկեղեցւոյ,
Արբուցանել հոսմամբ գետոյն կենդանւոյ,
Եօթնարփեան պարգևաց հոգւոյն աստուծոյ,
Զոչխարսըն բանաւոր՝ ըստ գըրոյն ասից:
Անձանց ժողովրդեանն աչք յորջորջեցան,
Զի ըզնոսին մեղանս լայցեն անխափան,
Թափելով զարտասաս միածնին նըման՝
Ի վերայ ողբալի մեղաւոր խմբից: