ԴԱՐՁԵԱԼ ԱՌ ՎԱՐՈԻՑՍ ՎԱՏՈԻԹԻԻՆ
Իժըս եղեռնային, օձըս ժանտական,
Իսկականի բարւոյդ՝ չարաչար մեղայ.
Ծառայս սըխալական և տարագրական,
Արքայից արքայիդ՝ անդադար մեղայ:
Պետըս մեղաւորաց, որդիս կորստեան,
Զարդըս դըժոխային, ժառանգս գեհենեան,
Վերնականի լուսոյդ անճառ խենդութեան,
Ես կափուցեալ աչօք՝ անհամար մեղայ:
Ակնըս արատատես ունիմ ըզգերան,
Ըստ ամենատեսիդ յանդիմանութեան,
Ո՛չ կտրեմ նըկատել զինչ բարոյական,
Վասնորոյ, եղկելիս, միշտ և յա՛ր մեղայ:
Ղեղիս դառնատեսիլ, դիս ապարասան,
Յանցանացն իմ ըզթիւ՝ չեղէ խոստովան,
Ուստի ըստ դիտողիդ յայտնաբանութեան,
Փարիսեցւոյն և ես, հաւասար մեղայ:
