Ի հարսանիս որդւոյ քոյին կոչեցայ,
Բայց աղտեղի գտայ, մեղա՜յ, տէ՛ր, մեղա՜յ,
Պատկանի հարսանեաց հանդերձ չըզգեցայ,
Զազիր երեւեցայ, մեղա՜, տէ՜ր, մեղա՜յ:
Անդնդայնոց յարակցեցեալ օթեցայ,
Իբր ըզպաճար մոլորեցեալ շրրջեցայ,
Զօղակօրէն ի ծով մեղաց ծըփեցայ,
Յորում ընկըղմեցայ, մեղա՜, տէ՜ր, մեղա՜յ:
Տըտամբ վիշապ օձին յերկիր քարշեցայ,
Որոլ ի շընչմանէն մահու գերեցայ,
Անկեալ և կործանեալ տան նըմանեցայ,
Վասընզի քակտեցայ, մեղա՜յ, տէ՜ր, մեղա՜յ:
Սերմամբ խաւարայնոյն կարի աճեցայ,
Տատսակաբեր անդոյ հանգունակեցայ,
Այգի անցօղարբու եղել տօթեցայ,
Ուստի խոպանացայ, մեղա՜յ, տէ՛ր, մեղա՜յ: