Իբրև ըզթըռչուն թևաթափ՝ յերկիր անկեալ տագնապեմ,
Թըռչիլ ի վեր ո՜չ կարելով՝ յորսողէն, յոյժ կասկածիմ,
Զի լարեցեալ կան զինև շուրջ՝ որոգայթք յոյժ զանազանք.
Ուստի առ քեզ աղաղակեմ, հառաչեմ, լամ,
Ոք միայն ես ապրեցուցիչ, ազատիչ և կեցուցիչ:
Որպէս ըզձուկն ի ցամաքի՝ օդատանջեալ տապալիմ,
Ոստոստիմ անկանիլ ի ջուրն, ոչ կարացեալ տառապիմ,
Թէ ի սակաւ մի այլ մընայցեմ, մեռանիմ ողորմելիս.
Ուստի առ քեզ աղաղակեմ, հառաչեմ, լամ,
Որ միայն ես սառեցուցիչ, ազատիչ և կեցուցիչ:
