Անձն իմ գերի, թիւրաշաւիղ եղեր, արդ, տարտամական,
Եղեր արդ, որպէս ըզնաւակ ղեկաջարդ տարտամական,
Ղեկաջարդ ներ ծովու շըրջիս՝ յոր գընալդ իսկ ոչ գիտես,
Ոչ գիտես, որ ախտի մեղաց գըտար զարդ տարտամական:
Տարտամական լեալ դեգերիս յարաժամ, սևատեսակ յարաժամ,
Ըստ գոռոզինես անըզգամ սևատեսակ, յարաժամ,
Անըզգամ ամբարահաւաճես, որ ոչ ընտրես ըզբարիս,
Ըզբարիս թողեալ, լինիս միշտ չարակամ սևատեսակ:
Սևատեսակ եղեալ՝ եղեր ծորելոյն րախացուցիչ,
Ծորելոյն և առ ի բարձանց անկելոյն րախացուցիչ,
Անկելոյն, որ թըշնամի է հանապազ քոյդ փրկութեան,
Փրկութեան հոգւոյդ վասըն միշտ տըրտմելոյն րախացացիչ:
Րախացուցիչ գոլով դարձեալ արարչին գոչեա՛, մեղա՛յ,
Արարչին հօր՝ փառակցին և էակցին գոչեա՛, մեղա՛յ,
էակիցն այն, որ վասն քոյ եհեղ զարիւն ի խաչին,
Ի խաչին, սիրով բևեռեալ անմահին գոչեա՛, մեղա՛յ: