Էջ:Paghtasar Dpir, Taghs (Պաղտասար Դպիր, Տաղեր).djvu/95

Առաքելաշնորհ, քարոզ ճըշմարիտ,
ԸզՅիսուս Քրիստոս ծանուցիչ ազինս.
Միջնորդ հաշտութեան ի մէնջ վասն մերէ
Զերկնաւոր արքայ առ մեզ դարձուցիչ.

Ա՛րդ, առ քեզ գոչեմք, ո՜վ հայրդ գըթաց,
Հայցեա ի տեառնէ մեզ ողորմութիւն.
Նեղեալ, տառապեալ տոհմիս խըղճալւոյ,
Տալով գերելոցն գերադարձութիւն.
Ըստ աղերսանաց սուրբ Մարգարէին՝
Ի մեր հայրենիս անդրէն ժողովիլ:

73

ԱՌ ՆՈՅՆ ԴԱՐՁԵԱԼ,

Երանելի հովիւ ընտրեալ,
Հայոց մեծաց լուսաւորիչ.
Գրիգորիոս անուն արթուն,
Զուարթնոց երկնից հանդիսակից:

Պարթևական պսակ հիւսեալ,
Եդեալ ի գլուխ Արշակունեաց.
Չարչարանօք քո սուրբ մարմնոյդ,
Զխաւարն ի մէնջ հալածեցեր:

Ա՛րդ, պաղատիմք առ քեզ հոգւով.
Հոգաց մերոց մեծ լուսատու.
Ա՛ռ քարոզեալն ի քէն, Յիսուս,
Մաղթելս՛ բառնալ զմեր նեղութիւն: