սենյակը քաշվինք, որ բավական կոկիկ է և այս վառարանով կրնանք տաքնալ։
Ա. ԴԵՐԱՍԱՆ.— Այո՛, աղեկ ըսիր... (Վահագնյանի) դուք ալ կուգա՞ք։
ՎԱՀԱԳՆՅԱՆ.— Ո՛չ, ես սա խաղը պիտի կարդամ։
Բ. ԴԵՐԱՍԱՆ.— Նո՞ր հեղինակություն մ՚է։
ՎԱՀԱԳՆՅԱՆ.- Այո՛:
ԴԵՐԱՍԱՆ.- Ազգայի՞ն։
ՎԱՀԱԳՆՅԱՆ.- Այո՛:
ՉԻՉԻԼ.- Ողբերգությո՞ւն:
ՎԱՀԱԳՆՅԱՆ.- Անշուշտ։
Բ. ԴԵՐԱՍԱՆ.— Ե՞րբ պիտի ներկայացվի:
Վահագնյան.- Գուցե երկու շաբաթեն:
Բ. ԴԵՐԱՍԱՆ.— Երթանք:
Բ. ԴԵՐԱՍԱՆ.— Այո՛ (երթալու կըլլան):
ՉԻՉԻԼ.- Վառարանը։
Բ. ԴԵՐԱՍԱՆ.— Ա՜, քիչ մնաց որ կը մոռնայի (վառարանը կառնե, երեքը կը մեկնին):
Տեսիլ Դ
ՎԱՀԱԳՆՅԱՆ և ԵԴՈԻԱՐԴ
ՎԱՀԱԳՆՅԱՆ.— (Եդուարդի` որ գուլիսի մեջ կերևի) Ո՞վ կուզես, պարո՛ն։
ԵԴՈԻԱՐԴ.— Ներեցեք, պարոն, արդյոք կրնա՞մ տեսնել պարոն տնօրենը։
ՎԱՀԱԳՆՅԱՆ.— Ի՞նչ պիտի ընես։
ԵԴՈԻԱՐԴ.— Առանձին խոսիլ կուզեի իրեն հետ։