ԹՈՎՄԱ.— Իմացուցեք իրեն, որ կրնա ներս մտնել... (Նահապետոֆ ներս կը մտնե. մեկուսի) Չեմ ճանչեր այս մարդը։
ՆԱՀԱՊԵՏՈՖ.-Ո՞ւր է ինքը։
ԹՈՎՄԱ.— Հոս, իր սենյակն է, պարո՛ն։
ՆԱՀԱՊԵՏՈՖ.— Կրնա՞մ տեսնել։
ԹՈՎՄԱ.— Անտարակույս, պարո՛ն... (Նահապետոֆ կակնարկե Մակարի):
ՄԱԿԱՐ.— (քսակը տալով) 50 ոսկի է, պարո՛ն Թովմա... ԹՈՎՄԱ.— Շնորհակալ եմ։
ՄԱԿԱՐ.— Տե՝ր իմ... (Նահապետոֆ երթալու հրամայական նշան կընե Մակարի, որ խոնարհելով կը մեկնի. Նահասյետոֆ սենյակը կը մտնե):
{Կենտրոն
ԹՈՎՄԱ և ԵԴՈԻԱՐԴ
ԵԴՈՒԱՐԴ.— (ներս մտնելով) Հա՛յր իմ...
ԹՈՎՄԱ.— Դո՞ւն հոս...
ԵԴՈԻԱՐԴ.— Ներե, հա՛յր իմ, եթե համարձակեցա ներս մտնելու, վասնզի 5 ֆրանք վաստկեցա... ահա քեզի կը հանձնեմ...
ԹՈՎՄԱ.— Շա՛տ ուշ հասար... վասնզի ես արդեն շաա ունիմ (քսակն ափին մեշ թոթվելով) ոսկի են ասոնք, ոսկի՜...
ԵԴՈԻԱՐԴ.— Ուրեմն հարուստ ենք... և ալ չի պիտի վռնտես զիս... Վարդուհիին քով պիտի կենամ ալ... բայց ո՞ւր է Վարդուհի։