Ո՜չ ի ծածուկ, այլ մեծագոչ, աղաղակաւ ազգմամբ ձայնի.
Արագ, արագ,
Եկն ի դըղեակ:
Զինչս արկ ի կրակ,
Առ հասարակ:
Նորոգ գործի, անձն իմ գործի, առ ամենայն իղձըս չարին,
Յոր ո՜չ զօրէ առ ներգործել, խըրատ և բան բարերարին,
Փոխարկեցի զիմըս պաշտօն, ընդ մահու գործըս խաւարին.
Չար օրինակ,
Մեծ և աւագ,
Ծագէ ի ծագ
Անհանգունակ:
Չար յանցուածոց և ժահահոտ ախտից մեղաց հետևեցայ,
Անխոտորնակ յուղի անկեալ, յանգիւտ կորուստըն մօտեցայ,
Ընդիս ածի առ ի կորուստ, զբաղումս լիմոց և հօտեցայ.
Կեանքս ընդարձակ,
Բախտս օժանդակ,
Շատ արբենեակ,
Ողջ հըպատակ:
Այն աննըման ձայնն հանգըստեան հէգս լալական այնմ անարժան,
Ո՜չ լըւայ զայն ես բընական, եդեալ անկան ամար փական,
Անփակ բերան թիւնածորան, անձն անխըթան առ կըրթարան.
Եկն ի դռնակ,
Մութն անճարակ,