Սիրով քով եղէ խումար,
Զլացն արարի ինձ տումար,
Արևոյդ սիրոյն համար.
Փութացի՜ր, վա՜րդ, վա՜րդ,
Ո՛չ հանգչիմ զօր ամենայն:
Լուսեղէն կամար վերին,
Դու իմ տէր, ես քո գերին,
Աղերսից բանիցս թերին.
Նազելի՜ վարդ, վա՜րդ,
Ճանաչեմ զօր ամենայն:
Ի ծաղկունս փառօք փարթամ,
Կալ ի նոյն առ տէր կարդամ,
Ընդ հողմոց միշտ անտարտամ.
Նազելի՜ վարդ, վա՜րդ,
Մարտընչիմ զօր ամենայն:
Ի գետոց յորդ հոսանաց,
Ի ծովու չար ծըփանաց,
Ի սաստիկ հողմոց հնչմանց.
Նազելի՛ վարդ, վա՜րդ,
Երկընչիմ զօր ամենայն:
Ի գեղըս քո նայէի,
Բերկրեցայ մինչ հայէի,
Բարձրաձայն զայս վայէի.
Նազելի՛ վարդ, վա՜րդ,
Ո՛չ թագչիմ զօր ամենայն: