Ըզքեզ ծանի՛ր,
Լուսոյ նմանի՛ր,
Փոյթ մի՛ բանիր:
Յոգւոջ պահել ըզքեզ կամիմ դարէ ի դար,
Եթէ իցէր ըղձիցս իմոց ճար և հընար,
Զայս աղերսեմ և պաղատիմ միշտ անդադար.
Յոյժ խղճաբար,
Յար իմ վըտար՝
Յերկիր օտար:
Մինչ նըկատեմ իմ գեղ քոյին գերփառունակ,
Մասունք հոգւոյս իսկոյն ցընծան առ հասարակ,
Ըզկեանըս իմ որչափ իցէ ինձ ժամանակ.
Տաց քեզ բընակ,
Օթից վիճակ՝
Ձայն բովանդակ:
Հոգւոյ իմոյ գանձ անըսպառ և բիւր բարի,
Զարթի՛ր փութով, ունկըն մատո՛, ի լուր արի,
Տե՛ս, թէ զիարդ ցուրտն յերեսացդ ի բաց վարի.
Զէտ անճարի,
Միշտ չարչարի,
Ի դար դարի:
Ի սուգ և կոծ կըծկեալ նըստիմ բացատ վայրի,
Զաչս իմ յառնալ նայիմ յընթացսըդ քո արի,
Սէրս ի սիրոյդ վաղ զարթուցեալ ըստրուկ գըրի.
