Էջ:Raphael Patkanian, Collected works (II).djvu/275

Այս էջը հաստատված է

ԳՏԵՔ ՍԽԱԼՆԵՐԸ



Ա



Ձըմեռ էր, տըղերք եղան հալումաշ,
Գնացին դաշտ, տեսան բըսած բլիթ, լավաշ,
Տափը ծաղկալից, օդը տաք, հեղձուկ,
Ծառերից կախ-կախ սեխ, բողկ, ձըմերուկ։

Բ



Օձը վազում է մեծ-մեծ քայլերով,
Ուղտը թռչում է ամպի տակերով,
Ձկները տաղեր են կըլկըլացնում,
Խուլ ու կույրերին են զըվարճացնում։

Գ



Բարակ ճյուղի վրա արջը շինեց բուն,
Մեջը ձու ածեց, թխսել էր ուզում,
Ղըռղըռան ագռավն նույն ծառի տակին
Ծիծ էր տալիս յուր գեղեցիկ ձագին։

Դ



Երեսունն է փետրվարի-
Արև ծագեց հյուսիսեն,
Ծծկեր տըղա, վաղվազ արի՛,
Հալվա քաղենք պարտեզեն։