Թիֆլիսի յանկիները.— Տպագրվել է 1900 թ. («Տարազ», № 45). Մաղքոս ստորագրությամբ վերնագիրը պատկանում է հեղինակին։ Տասհատորյակի 5-րդ հատորում ֆելիետոնի իմաստը սխալ հասկանալու պատճառով վերնագիրը տպագրվել է աղավաղված ձևով, Թիֆլիսի յանկիների փոխարեն տպագրվել է Թիֆլիսի անկյունները:
Թատրոնի չարդախում.— Լույս է տեսել 1903 թ. («Տարազ» № 5), Մաղքոս ստորագրությամբ։ Վերնագիրը պատկանում է հեղինակին։ Հայ թատրոնի կյանքին նվիրված հումորիստական այդ գործը հեղինակն անվանել է «Անվերջ ոդևիլ», բայց դա էլ իհարկե, ֆելիետոն է և միայն ձևով է հիշեցնում դրամատիկական երկի։
Մարտի և ապրիլի վեճը.— Տպագրվել է 1903 թ. («Տարազ» № 10), «Ֆելիետոն» խորագրի տակ, Մաղքոս ստորագրությամբ։
Գեղարվեստական ժողով.— Տպագրվել է 1903 թ. («Տարազ» № 31) Մաղքոս ստորագրությամբ։ Վերնագիրը պատկանում է հեղինակին։
Գրիչ կրծողներ և թատերագետներ.— Տպագրվել է 1903 թ. («Տարազ» № 33)։ Վերնագիրը պատկանում է հեղինակին։ Ստորագրված է Շիրվանզադե։
