Անտարակույս, Մռավլյանը կունենա արժանավոր հաջորդներ, որոնք ապագայում ավելի կլայնացնեն նրա գծած ուղին, բայց այն, ինչ որ նա արել է որպես կուլտուրական գործիչ, կմնա անմոռանալի առանձնապես գրչի մարդկանց հիշողության մեջ և կանցնի պատմությանը։
ՇԻՆԱՐԱՐՈՒԹՅՈՒՆԸ ՀԱՅԱՍՏԱՆՈՒՄ
Զրույց ընկ. Շիրվանզադեի հետ
Երևանից Թիֆլիս է ժամանել ընկ. Շիրվանզադեն։ Նա մեր թերթի աշխատակցի հետ ունեցած զրույցի մեջ արձանագրում է Հայաստանի շինարարության մեծ թափն ու բացառիկ ոգևորությունը։
— Շինարարության տեմպը, —ասաց ընկ. Շիրվանզադեն,— առաջ է ընթանում նախկինից ավելի արագ թափով։
Քանաքեռի հիդրոկայանի հիմնադրումը չափազանց մեծ ոգևորություն առաջ բերեց։
Զորագէսի կառուցողական աշխատանքները գնում են ավելի արագ թափով և ամենայն հավանականությամբ այդ հսկա հիդրոկայանի աշխատանքները կավարտվեն ծրագրով
նախատեսած ժամկետից առաջ։
Հոկտեմբերին լրանում է Հայաստանի Պետհամալսարանի տասնամյակը և այդ պատճառով ձեռք են առնվում բոլոր միջոցներն ավարտելու այն բոլոր կառուցողական աշխատանքները, որ կապված են Համալսարանի հետ։
Ներկայումս տարվում է կառուցողների տան շենքի աշատանքները։ Ձեռք են առնվում միջոցներ, որ հիշյալ տան կառուցողական աշխատանքներն ավարտվեն խորհրդայնացման 10-ամյակին։ Տունն ունենալու է իր մեծ թատերասրահը բոլոր հարմարություններով և ամենայն հավանականությամբ Հայաստանի ակադեմիկ դրաման իր ներկայացումները նոյեմբերից փոխադրի այդ նոր տունը։
Արդեն նախաձեռնված են ժողովրդական տան կառուցման աշխատանքները և առանց այլևայլության պետք է
Շիրվանզադե, Երկերի ժողովածու, հատ. IX—38
