Էջ:Shushanik Kurghinyan's Collection works.djvu/116

Այս էջը հաստատված է

Ամեն օր թարմ ձուկ, զբոսանք ծովում․․․

ՆԱՎԱՍԱՐ․— (Սրտնեղ)

Դե՜հ, թող․․․ շուտ արա
Միայն ծառային տերն է գովում
Իսկ ես․․․(Նկատելով Հեղինեի ձեռքի տետրակը)
Ի՞նչ է այդ։

ՀԵՂԻՆԵ․—Տետրակ և մատիտ

ՆԱՎԱՍԱՐ․— (Զարմացած)

Թո՛ղ, աստված սիրես․ «Ծով նկարելու»
Չգիտես հարգել ոչ մի վեհություն,
Խոնարհվել հլու
Մեծության առաջ։
Փայտի կտոր թղթի հետ առած
Դու հանդգնում ես ծո՞վ նկարելու։

(Հեղինեն ծիծաղում է․ ծերը փնթփնթալով կապում է թիերը որևի ծագումը նկատելով)

Կուզեի տեսնել ծագումն արևի․ (Հպարտ ցույց է տալիս)
Գուցե ծովի պես նա էլ նկարիդ լավ նյութ կերևի։

ՀԵՂԻՆԵ․—(Վազելով առաջ)

Օ՛հ, ինչ պերճություն․ (Երկրակամարը շառագունում է և դուրս է սահում արևը)
Ի՜նչ գեղեցկություն

Օ՛հ, ի՜նչ վեհություն․․․(Ծերունին մերթ արևին է նայում, մերթ Հեղինեին)

Որպեսի՜ շքեղ տեսարան, պատկեր․․․ (Բռնում է ծերունու ոևից ու լուռ դիտում)

Արև պաշտեինք․․․ առավոտ կանուխ
Լուսեղեն գնդի շողերի առաջ
Աղոթք սրտաբուխ
Ցնծություն, հառաչ,
Երգ, սաղմոս, մորմոք
Հղեինք նրան․․․
Չերկմտեր ոչ ոք։
Նրա գոյության
Մաշող կասկածոտ,
Ու ամեն առտու
Ոսկի լույսը ծով,
Լույսին հուսատու