Էջ:Smbat Shahaziz, Chaphatso yerker.djvu/115

Այս էջը սրբագրված է

5


Դու տեսե՞լ ես ալեկոծ ծով,
       Երբ փոթորիկ մի ուժգին
525 Տարբերվում է մրմռալով,
       Այդպես է և իմ հոգին...

6


Իմ կյանքը ինձ բեռը դարձավ,
       Վերա հասավ սև գիշեր,
Անուշ ժպիտը հոգուս փախավ,
       530 Աստվա՜ծ օրհնե քո օրեր.

7


Ծիածանի խաղարկություն
       Թո՜ղ փայլե քո երեսին,
Եվ սոխակի նվագածություն
       Միշտ հնչե՜ քո ականջին։

8


535 Ես քեզ մի օր փայփայեցի,
       Որպես պայծառ աղավնյակ,
Սիրո ծոցին քեզ կոչեցի
       Ե՜վ երկնային, և՜ հրեշտակ։

9


Այլ այժմ ների՛ր, ճակատագիր
       540 Վերաս դրեց լուծ սաստիկ.
Ես պիտ շրջեմ երկրից երկիր,
       Մինչև գտնեմ հայրենիք։

10


Եվ հայրենիք... բայց ո՞ւր է նա.
       Քանի՜ գնաց արտասուք.
Երբեք նորան ես չտեսա...
       Գե՜թ երազում վաղանցուկ։