Էջ:Smbat Shahaziz, Chaphatso yerker.djvu/299

Այս էջը սրբագրված է

ԱՐԱՐԱՏԵԱՆ ԴԱՇՏ



Մաքուր վտականի հոսին ի վիմաց,
Յայն ի ծաղկազարդ դաշտ լայնատարած։
Ծառք շուրջ խիտ առ խիտ կան տերևազգեաց,
Քաղցրաձայն երգեն երամք կաքաւաց։

5 Ի ծերպըս ծակուց որջանան գազանք՝
Յորսողին ձեռաց գոլով անվըտանդ։
Սըփռեալք ի դաշտըս ձիարձակ արանց՝
Ըզհետ մըտանեն բուլից վարաղաց։

Ընթանան ի գետս մանկունք ձըկնորսաց,
10 Դառնան խրախամիտ առ ծնողս իւրեանց։
Բարտիք երկնուղէշք անդէն ի յուժգին
Շարժին ի հողմոց, տերևք տատանին։

Ի ծագել լուսոյ՝ սոխակք անդադար
Երգեն հանգչելով ի թուփ և ի ծառ։
15 Ծիտք և ծիծեռունք անդէն անհամար
Ճըճուելով թըռչին ընդ օդս տարմաբար։

1857 թ.