Թինդս առեալ երթամք յասպարէզ քաջաց.
Յուշիկ հընչեն ձայնք արեան սիրելեաց.
Սօսափիւնք յերկնից արհաւիրք յերկրէ
Քաջացս օժանդակ ըզՊարսն հերքեսցէ։
Հապ՝ օ՜ն, արի արանց մանկունք,
Հայրենավրէժքըդ Հայկազունք,
Հապ օ՞ն, ի զէն գունդագունդ,
Յեռեալ ի պար թունդ ի թունդ՝
Ի զէ՛ն, ի վրէ՛ժ, օ՜ն անդր յառաջ,
Ի զէ՛ն, ի վրէ՛ժ, մի ձա՛խ, մի յա՛ջ,
Օ՜ն անդր յառաջ,
Մի ձա՛խ, մի յա՛ջ,
Օ՜ն անդր յառաջ,
Յառա՜ջ, յառա՜ջ,
Հապ’ օ՜ն, յառաջ։
Օ՜ն անդր, ի բաց հայկեան հողոյ հըսկայազանց եւ սըրբոց,
Ի բա՞ց, ջոլիր շըւառական մոխրապաշտիցըն պըղծոց,
Դաշտք մեր մերժեսցեն զոսկրոտին անգամ,
Արիւնք վըկայից զճապաղիսն անժամ.
Ոտն ընդ դիս տոռնեալ դարձրին ի փախուստ,
Մատնակուրծք ընդ Հայս հայեսցին հեռուստ։
Հապ՝ օ՜ն, արի արանց մանկունք,
Հայրենավրէժքըդ Հայկազունք,
Հապ՝ о՜ն ի զէն գունդագունդ,
Յեռեալ ի պար թունդ ի թունդ
Ի զէ՛ն, ի վրէ՛ժ, օ՜ն անդր յառաջ,
Ի զէ՛ն, ի վրէ՛ժ, մի ձա՛խ, մի յա՛ջ,
Օ՜ն անդր յառաջ,
Մի ձա՛խ, մի յա՛ջ,
Օ՜ն անդր յառաջ,
Յառա՜ջ, յառա՜ջ,
Հապ՛ օ՜ն, յառաջ։
