14. երեխաների համայնքահեն կենտրոններում խնամազուրկ երեխաներին ներգրավելը,
15. երեխաների /մանկահասակների, դեռահասների, երիտասարդների/ հարցերով ԶԼՄ-ների հետ աշխատելու նոր մեթոդների որդեգրումը, նրանց հետ տարվող աշխատանքի մակարդակի և նրանց դերի բարձրացումը,
16. դաստիարակության գործընթացի կառավարման մասնագիտական մակարդակի բարձրացումը, կրթական համակարգի փոխգործակցության ապահովումը սոցիալական բոլոր ինստիտուտների հետ:
Բացի այդ, դաստիարակության բովանդակային և կազմակերպական ձևերը մշակվում են որոշակի սկզբունքների հիման վրա, որոնք կողմնորոշված պետք է լինեն հասարակական հարափոխ կյանքում երեխաների սոցիալական ակտիվության զարգացմանը, կիրթ լինելուն, նպաստեն բարոյապես և ֆիզիկապես առողջ անհատի ձևավորմանը:
Դաստիարակության մարդասիրական կողմնորոշման սկզբունքը ենթադրում է իրավահարաբերություններում մանկավարժի վերաբերմունքը սովորող-դաստիարակվողին որպես իր սեփական զարգացման պատասխանատու և փոխգործակցող սուբյեկտի:
Բացի այդ, կարևոր են նաև բնապահպանական, ազգապահպան, մշակութապահպան դաստիարակության արդյունավետության և սոցիալական փոխգործակցության սկզբունքները պահպանելը և այդ ուղղությամբ աշխատանքներ տանելը:
Մեր կարծիքով, ՀՀ կրթության համակարգում նախադպրոցական կրթության և դաստիարակության դերը հստակեցնելու համար պետք է իրականացվեն հետևյալ բարեփոխումները, որոնք ներքոշարադրված առաջարկություններից զատ պետք է պարունակեն նաև վերն արված առաջարկությունները, քանի որ կրթական իրավունքում դաստիարակությունը մանկավարժական հիմնական գործառույթներից մեկն է.
1. Նախադպրոցական և կրթության մյուս աստիճանների մասին օրենսդրական դաշտի կատարելագործումը,
2. նախադպրոցական կրթության և ծառայությունների մատչելիության ապահովումը և ընդգրկման աճը, 5 տարեկան երեխաների նախապատրաստումը հիմնական կրթության՝ հիմք ընդունելով տարրական դպրոցի առջև դրված ծրագրային խնդիրները,
3. նախադպրոցական հաստատությունների աճող ֆինանսավորումը պետական և համայնքային բյուջեներից,
4. նախադպրոցական կրթության և երեխաների խնամքի չափորոշիչի վերանայումը, ծրագրային սպասարկումը և որակի ապահովումը,
5. նախադպրոցական հաստատությունների կառավարման համակարգի բարելավումը,
6. ոչ պետական հաստատությունների և այլընտրանքային համայնքահեն ծառայությունների ընդլայնումը,
7. գործող նախադպրոցական հաստատությունների ցանցի ընդլայնումը, հաստատությունների պայմանների բարելավումը,
8. հատուկ կարիքներով երեխաների ընդգրկման ընդլայնումը,
9. նախադպրոցական հաստատությունների մանկավարժական կադրերի պատրաստման և վերապատրաստման համակարգի բարելավումը,
10. նախադպրոցական կրթության ուսումնասիրությունների և հետազոտությունների պարբերական իրականացումը՝ համակարգի գնահատման նպատակով,
11. նախադպրոցական կրթության ու խնամքի որակի, դրա կազմակերպման պայմանների նկատմամբ հաշվետվային համակարգի մոնիտորինգի վերահսկողության պարբերականության ընդլայնումը,
12. միջազգային, հասարակական կազմակերպությունների և անհատ բարեգործների և գործարարների ներգրավումը: