14.3.5. Ֆրանսիական մագաղաթը նոր Եվրոպայի համար
1990 թվականի նոյեմբերի 21-ին Փարիզում ընդունված Ֆրանսիական մագաղաթը /խարտիան/ նոր Եվրոպայի համար ունի հետևյալ բովանդակությունը.
- նոր դարաշրջանի ժողովրդավարություն, խաղաղություն և միասնություն,
- մարդու իրավունքներ, ժողովրդավարություն և օրենքի գերակայություն,
- տնտեսական ազատություն և պատասխանատվություն,
- բարեկամական հարաբերություններ մասնակից պետությունների միջև.
- անվտանգություն,
- միասնություն,
- ԵԱՀՎ և աշխարհը /1973 թվականին 33 եվրոպական երկրների, ԱՄՆ-ի ու Կանադայի կողմից ստեղծված, մշտապես գործող մարմին՝ Եվրոպայում անվտանգության և համագործակցության վեհաժողով /ԵԱՀՎ/,
- ապագայի կողմնորոշումներ,
- մարդկային չափումներ,
- տնտեսական համագործակցություն,
- շրջակա միջավայր,
- մշակույթ,
- աշխատանքային միգրանտներ,
- միջերկրածովային,
- ոչ կառավարական կազմակերպություններ,
- ԵԱՀՎ գործընթացի նոր կառուցվածքներ և ինստիտուտներ:
Նոր դարաշրջանի Ժողովրդավարություն, խաղաղություն և միասնություն
Մենք՝ պետությունների և կառավարությունների ղեկավարներս՝ Եվրոպայում անվտանգության և համագործակցության համաժողովի մասնակիցներս, հավաքվել ենք Փարիզում խոր փոփոխությունների և պատմական սպասումների ժամանակաշրջանում: Դարաշրջանի և Եվրոպայի պառակտումն ավարտվեց: Մենք հայտարարում ենք, որ հետայսու մեր վերաբերմունքը հիմնված կլինի փոխադարձ հարգանքի և համագործակցության վրա:
Եվրոպան ազատագրվում է անցյալի ժառանգությունից: Տղամարդկանց և կանանց արիությունը, ազգերի կամքի ուժը և Հելսինկյան վերջնական ակտի գաղափարական հզորությունը բացում են ժողովրդավարության, խաղաղության և միասնության նոր դարաշրջան:
Մեր ժամանակը հույսերի և սպասումների այն ժամանակն է, որ տասնամյակներ շարունակ ապրել են մեր ժողովուրդների սրտերում, կոշտ հավատարմություն ժողովրդավարությանը, որը հենված է մարդու իրավունքների և հիմնական ազատությունների վրա, բարգավաճում՝ տնտեսական ազատության, սոցիալական արդարության միջոցով, հավասար անվտանգություն՝ մեր բոլոր երկրների համար:
Վերջնական ակտի տասը սկզբունքները լինելու են դեպի այդ ցանկալի ապագան շարժվելու մեզ ուղեկցորդ աստղը, որը նման է այն բանին, ինչպիսին վերջին 15 տարիներին հարաբերությունների կարգավորումն էր լուսավորում մեր ճանապարհը: ԵԱՀՎ-ի բոլոր պարտավորությունների լրիվ իրականացումը պետք է ծառայի բոլոր այն նախաձեռնությունների հիմք, որոնք մենք նախաձեռնում ենք այժմ, այն բանի համար, որպեսզի տանք հնարավորություն մեր ժողովուրդներին ապրելու իրենց սպասումներին համապատասխան:
Մարդու իրավունքներ, ժողովրդավարություն և օրենքի գերակայություն
Մենք պարտավորվում ենք կառուցել, համախմբել և ամրապնդել ժողովրդավարությունը, որպես մեր երկրներում միակ կառավարման համակարգ: Այս սկիգբով մենք պետք է ղեկավարվենք հետևյալներով՝
