1) ապահովում է պետական կրթական քաղաքականության իրականացումը,
2) հաստատում է պետական կրթական չափորոշիչների ձևավորման և հաստատման կարգը,
3) սահմանում է որակավորումների ազգային շրջանակը և հաստատում է կրթության որակավորման աստիճանների ընդհանրական բնութագրերը,
4) հաստատում է ուսուցանվող մասնագիտությունների ցանկը,
5) հաստատում է հանրակրթական, նախնական մասնագիտական (արհեստագործական), միջին մասնագիտական և բարձրագույն մասնագիտական կրթության պետական պատվերը,
6) հաստատում է պետական ուսումնական հաստատությունների օրինակելի կանոնադրություններ,
7) հաստատում է պետական նմուշի ավարտական փաստաթղթերի ձևերը,
8) իրականացնում է օրենքով սահմանված այլ լիազորություններ:
3.2.7. Հայաստանի Հանրապետության վարչապետի որոշումները որպես կրթական իրավունքի աղբյուր
1. ՀՀ վարչապետն ընդունում է որոշումներ՝ կառավարության գործունեության կազմակերպմանն առնչվող հարցերով:
ՀՀ վարչապետը նորմատիվ որոշումներ է ընդունում միայն ՀՀ Սահմանադրությամբ և օրենքով ուղղակի իրեն վերապահված լիազորությունների շրջանակում:
2. ՀՀ վարչապետի որոշումները չպետք է հակասեն ՀՀ Սահմանադրությանը, ՀՀ օրենքներին, ՀՀ սահմանադրական դատարանի որոշումներին, ՀՀ Ազգային ժողովի որոշումներին, ՀՀ Նախագահի հրամանագրերին և կարգադրություններին, ՀՀ կառավարության որոշումներին, ՀՀ Ազգային ժողովի վավերացրած կամ ՀՀ Նախագահի հաստատած ՀՀ միջազգային պայմանագրին և սահմանված այլ որոշումներին:
3. ՀՀ վարչապետը կարող է ընդունել միայն նորմատիվ կամ անհատական որոշումներ:
Օրինակ՝ ՀՀ վարչապետի 1998 թվականի նոյեմբերի 18-ի թիվ 662 որոշումը՝ ՀՀ կրթության և գիտության նախարարության կենտրոնական ապարատի կառուցվածքը հաստատելու մասին:
3.2.8. Հայաստանի Հանրապետության կրթության և գիտության նախարարի հրամանները որպես կրթական իրավունքի աղբյուր
ՀՀ կրթության և գիտության նախարարը ընդունում է հրամաններ, ՀՀ օրենսդրությամբ իրեն վերապահված լիազորությունների շրջանակում` նորմատիվ հրամաններ:
Օրենքներով կամ օրենսդրական ակտերով ուղղակի նախատեսված դեպքերում ՀՀ կրթության և գիտության նախարարը մարզպետների և Երևանի քաղաքապետի հետ կարող են ընդունել համատեղ հրամաններ կամ որոշումներ
Օրենսդրական ակտերով ուղղակի նախատեսված դեպքերում նախարարի հրամանը կարող է համաձայնեցվել պետական կառավարման այլ մարմինների հետ:
ՀՀ կրթության և գիտության նախարարի հրամանները չպետք է հակասեն ՀՀ Սահմանադրությանը, ՀՀ օրենքներին, ՀՀ սահմանադրական դատարանի որոշումներին, ՀՀ Ազգային ժողովի որոշումներին, ՀՀ Նախագահի հրամանագրերին և կարգադրություններին, ՀՀ կառավարության, ՀՀ վարչապետի որոշումներին, ՀՀ միջազգային պայմանագրերին:
ՀՀ կրթության և գիտության նախարարը կարող է ընդունել միայն նորմատիվ կամ անհատական հրամաններ։
Նրա հրամանով չեն կարող ընդունվել իրավաբանական և ֆիզիկական անձանց իրավունքները, ազատություններն ու արտոնությունները սահմանափակող, կամ այդ անձանց գործունեոթյան նկատմամբ հսկողության կամ վերահսկողության կարգ սահմանող կամ փոփոխող, ինչպես նաև նրանց իրավական վիճակն այլ կերպ վատթարացնող նորմեր:
Վերը նշվածի պահանջների խախտմամբ ընդունված իրավական ակտերը կամ դրանց համապատասխան
