Այս էջը հաստատված է
Մեկ մի անուշ բալ էր կտցում,
Մեկ ցատկոտում ճյուղից-ճյուղ.
Մեկ ծլվլո՜ւմ, տեղից շրջում,
Տաղ էր ասում աներկյուղ։
Կարմիր բալը կանաչ ծառից
Հա ժպտում էր տղային,
Պստիկ տղան կողքի քարից
Հա նայում էր բալերին։
Սառը ձյունի
Սառը գրկում
Մի ծաղիկ է
Ծլում-ծաղկում։
Թերը քնքուշ,
Թերը սպիտակ,
Աչիկները՝
Բաց-կապուտակ։
Ձյուն ու ծաղի՞կ
Այ քեզ զարմանք,
Ձյուն ու ծաղիկ
Ունեն մի կյանք։
Դա ձմեռվա
Մի ծաղիկ է,
Ձյունից ծնված
Ձնծաղիկ է։
Թա՛-կլի՜-թա՜,
Թա՛֊կլի՜-թա՜,
Կլի՛–թա՜, կլի՛-թա՜,
Թա՛-կլի՜-թա՛...
