Հունիսի 18-ին ԼՂՀ տարածքում ադրբեջանական դիվերսիոն խմբի իրականացրած վայրագությունը, երբ 4 հայ զինվոր զոհվեց, Համայն աշխարհի եզդիների միության նախագահ Ազիզ Թամոյանը բնութագրում է անմարդկային արարք։ «Նրանք թուրք են, նույնն ցեղասպան ցեղից, որ շարունակում են մորթել, սպանել։ Հայ զինվորների մահը մեծ ողբերգություն է, եզդի ժողովուրդը խոնարհվում է նրանց շիրիմների առաջ», ասա նա։
Վկայակոչելով պատմությունը՝ Ազի Թամոյանը հիշեցնում է, որ խորհրդային կարգերի փլուզումից հետո շուրջ երկու տասյնակ պետությունների օրինակով անկախություն ստացավ նաև Ղարաբաղը: «Դա հայկական հող է, ուր կան բազմաթիվ սրբավայրեր: Ադրբեջանի ղեկավարն այս ամենն անում է իր համար, նա իր ժողովրդի մասին չի մտածում»:
Ընգծելով, որ 500 եզդի իր հրամանատարությամբ մասնացկել է ղարաբաղյան պատերազմին, Թամոյանը հավաստիացրեց, որ 60.000 բնակիչ ունեցող եզդի համայնքը հայ ժողովրդի բարեկամն է և պատրաստ է աջակցել: «Մենք եղել ենք ու կլինենք եղբայր հայերի կողքին: Եզդիները ձեզ հետ են: Թող կրտսեր Ալիևն իմանա, եթե նորից պատերազմ սկսվի եզդի ժողովուրդը կկանգնի հայի կողքին ու կպայքարի արդարության համար»:
Հ. Հ. 23 յունիս, 2010, «Ազգ»
Ես Ազիզ Ամարի Թամոյանս, ծնվել եմ 1933 թվանի հուլիսի 1-ին, Շահումյանի շրջանի Ամո գյուղում (հիմա ՀՀ Կոտայքի մարզի Զովունի գյուղ):
Ավարտել եմ Երևանի թիվ 93 միջնակարդ դպրոցը: 1958-65 թվականներին աշխատել եմ Ամո գյուղում, որպես դասվար, իսկ 1965-1983 թվականներին Զովունի գյուղի միջնակարգ դպրոցում, որպես փոխտնօրեն դաստիարակության գծով:
1960-1972 թվականներին աշխատել եմ որպես Ամո գյուղի գյուղապես:
1963-1990 թվականներին եղել եմ ՍՄԿԿ անդամ:
Աշխատանքին զուգահեռ 1965 թվականին ընդունվել եմ Հոկտեմբերյանի գյուղատնտեսական տեխնիկումի դաշտավարական բաժինը, որն ավարտել եմ 1971 թվականին:
1972 թվականին ընդունվել եմ Երևանի մարքսիզմ-լենինիզմի համալսարան և այն ավարտել եմ 1974 թվականին:
1983-1986 թվականներին աշխատել եմ Զովունի գյուղի սովխոզում, որպես փոխտնօրեն օժանդակ տնտեսությունների գծով:
