Սիրատոչոր, խենթ մի կին].
Ու բոլորը հեռացան -
Ոչինչ, ոչինչ չտվին։
Ու ինչպիսի՜ վայրկյաններ
Տղաների նման չար
Խլրտացին հևիհև,
Կրակվեցին ու անցան...
Հալած ոսկու նման թեժ,
Բորբոք ծփաց մի կարոտ -
Տոթ մարմիններ սիրակեզ,
Գուրգուրանք ու առավոտ...
...Բայց մի անգամ - վարանոտ -
Մոտդ եկավ մի տղա -
Տարօրինակ-երազկոտ
Փողոցի մի երեխա...
Ասավ` երգեր ունեմ ես
Քո կրքերի նման շոգ -
Ցանկություններ լուսերես,
Ամոթխած ու ամաչող։
Բայց բոլորը - որպես երգ,
Երգի թրթիռ ու ծիծաղ,-
Չես մոռանա էլ երբեք
Նրա տենչերն անուրախ։
Նայեց դեղին աչքերիդ
Ու հեռացավ առանց սեր -
Հետը տարավ անհագուրդ,
Անմար կարոտ մի լուսե...
Դու որ հազար սերերի
Խախճանքներ ես տեսել -
Ո՞ւմ ես տվել ավելին,
Ում ես թողել այդքան սեր:
