Այս էջը հաստատված է
— Թո՜ղ ինձ...
— Ալլա՜հ․..
— Նա գիտե․․․
Արագ քայլերով մոտեցավ խանը զառիվայրին և նետվեց ցած։ Չկանգնեցրեց նրան որդին, չհասավ։ Եվ կրկին ոչինչ չէր լսվում—ոչ ճիչ, ո՜չ խանի ընկնելու աղմուկը։ Միայն ալիքներն էին անվերջ շառաչում այնտեղ, և քամին էր ոռնում վայրի երգեր։
Երկար նայում էր ներքև Տոլայկ Ալհալլան և ապա բարձրաձայն ասաց.
— Ինձ է՛լ այդպիսի սիրտ տուր ամուր, o՜, Ալլա՜հ:
Եվ ապա նա գնաց դեպի գիշերվա խավարը...
...Այսպես մեռավ խան Մոսալայմա էլ—Ասվաբը, և եղավ Ղրիմում խան Տոլայկ Ալհալլան․․․