Այս էջը սրբագրված է
կի պլանտացիաներից,Զանգվի կառուցվող հիդրոկայտնիք14 — երևում էր, որ նրանք մեծ հետաքրքրությամբ են վերաբերվել դեպի Հայաստանի շինարարությունը։
Դպրոցից ելնելով, մենք գնացինք ուղիղ մեր իջևանած բնակարանը։ Մեզ հետ էին գյուղխորհրդի նախագահը, քարտուղարը և գյուղական ուսուցիշը։ Պայմանավորվեցինք, որ առավոտյան 8-ին կհանդիպենք—և նրանք գնացին։ Դուրսը, փողոցում լսվում էին ինչ որ խոսակցության ձայներ, երևում է, որ մարդիկ խմբերով գնում են մի կողմ։ Չանցած տաս րոպե, մեզ դրսից կանչեցին գյուղի միլիցիոներները։ — Ի՛նչ կա։ — Դուրս եկեք, տեսեք, էդ մալականները ընչե՛ր կենեն։ — Ինշե՞ր կենեն։ — Գնացին ուրիշ տեղ, էլի կթռչկոտեն... Դուրս եկանք և նրանց հետ միասին գնացինք դեպի այն տունը, ուր տեղափոխվել էին պրիգունները։ Դրանցից մի քանիսը դեռ նոր էին գնում՝ խումբ-խումբ, կանայք առանձին, տղամարդիկ առանձին։ Մեզ միացան ուսուցիչյը, մի քանի երիտասարդներ և դրանց ֆուրգոնշչիկները' երկու երիտասարդ մոլոկաններ, ինչպես իմացանք — կոմսոմոլիստներ։ Դրանք ընկել էին անցնող կանանց ետևից և ծաղրում էին նրանց կրոնական հիմարությունները։ Ասացի, որ չանեն, բայց չլսեցին: Ու այդպես, նրանց ետևից գնալով, մենք հասանք այն տունը, ուր հավաքվել էին պրիգունները։ Ներսից լսվում՛ Էին լացի,դոփյունի և երգի ձայներ։ Ինչպես երևում էր՝ ներսում դեռևս ցատկոտում էին։ Բավականին հեռավորության վրա կանգնած՝ մենք լսում էինք ներսից հասնող աղմուկը։ Մեզ մոտեցավ գյուղխորհրդի նախագահը: