Տապանակ կազմեալ անփուտ,
Կըտակին փառաց անսուտ,
Ընտրեալդ ի բիւրուց դու զուտ,
Տաճար լասոյ մայր սուրբ կոյս:
Էլեալ հոտ անճառելի,
Խընկեալ բուրվառ էտ ոսկի,
Հուրն աստուած ի քեզ վառի,
Տաճար լուսոյ մայր սուրբ կոյս:
Րոտմամբ պաղատիմ կասիդ,
Լասն իմ աղաչեա զորդիդ,
Որ ես հրեղէն արփիդ,
Տաճար լուսոյ մայր սուրբ կոյս:
Գրեալ մակագիծ կըտակ,
Սափոր մանանին ունակ,
Բըխեալ յԵդեմայ վըտակ,
Տաճար լուսոյ մայր սուրբ կոյս:
Րաբունոյն Եդեմ ծաղկած,
Մեզ պատճառ եղեր կենաց,
Լըցեր զԵսայեան աուսծն,
Տաճար լուսոյ մայր սուրբ կոյս:
Ի յերկրաւորաց նիւթոց,
Թափանցիկ լուսոյն օթոց,
Զհուրըն ծըրարեալ ի ծոց,
Տաճար լուսոյ մայր սուրբ կոյս:
Գաւազան Ահարոնին
Ծաղկեցաւ ի խորանին,
Գուշակէր ըզծնունդ քոյին,
Տաճար լուսոյ մայր սուրբ կոյս:
|
|
Ուրախ եղև մայրն Եւայ՝
Անմարմինըն մարմնանայ,
Զխաւար մեղացըն բառնայ,
Տաճար լուսոյ մայր սուրբ կոյս:
Րախացար, Ադամ, հայր մեր,
Փըտեալ հընացեալ դու ծեր,
Քեզ նոր նորոգող եկեր,
Տաճար յուսոյ մայր սուրբ կոյս:
Ի յերկինս առեալ դասէ,
Զգերեալքն ի սատանայէ,
Ծընեալն յանարատ կասէ,
Տաճար յուսոյ մայր սուրբ կոյս:
Սոսկալի աւուր մեծին
Լեր մեզ բարեխօս կրկին,
Անարատ աստուածածին,
Տաճար յուսոյ մայր սուրբ կոյս:
էկեայ առ ձեզ պաղատի
Գրիգորիսն Աղթամարցի,
Ասացէք մեզ ողորմի,
Կրկին ձեզ պարգևեսցի:
|
|
|
|
