Հովոտ գիշեր

Հովոտ գիշեր

Մոմըս տակավ կը մարի
― Հոգիս դատա՛րկ է նորեն ―
Գիշերվան հովն ուժգնորեն
Հին ցավերուս կը փարի...

Մտածումներս կը հատնին.
― Հոգիս դատա՛րկ է նորեն ―
Ցուրտ բարձերուն ծայրերեն
Ցավոտ հուշեր կը ծընին...

Սիկառս հուշիկ կը սպառի.
― Հոգիս դատա՛րկ է նորեն ―
Կապույտ ծուխը հեղգորեն
Կ՚երազկոտի, կը ցնդի...

Միտքս ՈՉին կը հարի.
― Հոգիս դատա՛րկ է նորեն ―
Գիշերվան հովն ուժգնորեն
Ա՛լ ցավերուս թող փարի,

Մոմըս սակավ կը մարի...