Մոռանա՜լ, մոռանա՜լ ամեն ինչ, ամենին մոռանալ

* * *

Մոռանա՜լ, մոռանա՜լ ամեն ինչ,
                              Ամենին մոռանալ.
Չըսիրել, չըխորհել, չափս՛ոսալ —
                              Հեռանա՜լ...
Այս տանջող, այս ճնշող ցավի մեջ,
                              Գիշերում այս անշող
Արդյոք կա՞ իրիկվա մոռացման,
                              Մոռացման ոսկե շող...
Մի վայրկյան ամենից հեռանալ,
                              Ամենին մոռանալ.—
Խավարում, ցավերում քարանալ
                              Մեն-միայն...
Մոռանալ, մոռանալ ամեն ինչ,
                              Ամենին մոռանա՜լ...
Չըսիրել, չըտենչալ, չըկանչել,
                              Հեռանալ...

1908

---