Յաւերժ մնաց



ՅԱՒԵՐԺ ՄՆԱՑ

«Զոհուած ազատամարտիկ ընկերներ ՀՐԱՉԵԱՅ ԹՈՎՄԱՍԵԱՆԻ եւ ԱՐԹՈՒՐ ՆԵՐՍԻՍԵԱՆԻ պայծառ յիշատակին»



Մեր սրտի հուրը էլ չի մարելու,
Յաւերժ կը վառուի որպէս բոց, կրակ,
Էլ կորցրածը հետ չենք բերելու,
Անմեղ զաւակներ եղան նահատակ:


Սուրբ, արդար կռուի նրանք գնացին,
Քաջ Վարդանի պէս անմահ մնացին,
Ազգի փրկութեան համար ջանացին,
Մեր հայրենասէր քաջ որդիները:


Դարեր շարունակ ցաւեր ու դաւեր,
Կորցրինք հողեր, եղանք բնաւեր,
Տուեցինք անթիւ, անհամար զոհեր,
Արցախը ձեզ մի փայլուն օրինակ:


Փառք տանք մենք այսօր մեր հերոսներին,
Մեր Հրաչիկին ու մեր Արթուրին,
Անուն առ անուն յիշենք բոլորին,
Ռազմիկի խօսքը՝ նրանց յիշատակ:

---