«Էջ:Raffi, Collected works, vol. 4 (Րաֆֆի, Երկերի ժողովածու, հատոր 4-րդ).djvu/182»–ի խմբագրումների տարբերություն
(Տարբերություն չկա)
|
11:51, 7 Հուլիսի 2019-ի տարբերակ
եկեղեցու անպիտան պաշտոնյաների թիվը: Հիշյալ անկարգ դաստիարակների շնորհիվ, ի՞նչ տեսակ սերունդ է պատրաստվում այժմ, ի՞նչ է մեր դպրոցների աշակերտաց վիճակը[1]: Այլևս առաջվա սերը դեպի ճշմարիտ գիտությունը, և առաջվա եռանդը դեպի օգտավետ ուսումը չէ մնացել։ Մեր դպրոցները կրթում են մի ծույլ, դատարկամիտ սերունդ, որը դեռ ոչինչ չսովորած, աշխատում է երևելի աստվածաբան ձևանալ, որը դեռ բոլորովին տգետ լինելով սուրբ գրքերի մեկնության մեջ, սկսում է վարդապետություններ անել։ Դպրոցը, այդ սուրբ եկեղեցու սուրբ նախագավիթը, չէ սերմանում մանուկների սրտում այն մաքուր և սրբազան սերմերը, որ նրանք ապագայում եկեղեցու և հայրենիքի հավատարիմ զավակներ դառնային, որ նրանք ճանաչեին իրանց պարտքը դեպի երկինքը և դեպի աշխարհը — մարդկությունը։ Այժմյան դպրոցը, ընդհակառակն, խեղդում, ոչնչացնում է մանուկների սրտում այն դեռաբույս ծիլերը, որոնք ապագայում աճելով և ծաղկելով, կարող էին բարի պտուղներ տալ...
Նա փոքր-ինչ կանգ առեց և րոպեական լռությունից հետո շարունակեց.
— Ահա այսպիսի անձանց ձեռքումն է եկեղեցու տնտեսությունը, և ժողովրդի հոգևոր ու մտավոր կրթության գործը։ Իսկ մե՞նք։Մենք այժմ համարվում ենք աղանդավորներ[2]: Տգետ, խավարամիտ և կեղծավոր կղերը հալածում է մեզ։ Մեր գրավոր աշխատությունները համարում են վնասակար[3]. մեր ուսումը, մեր վարդապետությունը համարում են մոլորեցուցիչ։ Մի տեր, մի մեծ չկա, որ սանձահարե այդ նախանձոտ, չարամիտ պարեգոտավորների զրպարտությունները[4], որոնք ամեն ստախոսությամբ գրգռում
- ↑ Աշակերտք հեղգ առ ուսուան և փոյթ առ ի վարդապետեալ, որք նախ քան զտեսութիւնն աստուածաբանք։
- ↑ Այլ ասեն, աղանդատր է։ Եվ գալս ստէպ ծանուցանել ամենեցունց ճեպլին. զորս հաատացուքեալ ի տկարամտաց` թերի վարդասլետութիւն շնորհին որ էր ի յիս հայնցոլցանէին։ Ղազար Фшրպեցի<||>
- ↑ Երանելի փիլիսոփոսն ՄովսԷս (Խորենացի), որ արդարև մինչ դեո Հր .« մարմնի* ցանկ երկնային զօրացն էր քաղաքակից, ո՛չ ապաքէն ի աեղւոջէ ի տեղի աբեղեանդ Հայոց հալածական արարին, Ո՞չ զլուսաւորիչն ի զագիաահալած զգրեանս նորա առ անգիտութեան «փաթաղիկէս» կոչէին... Ղազար Փարեցի
- ↑ Ո՛վ կարկեսցէ զյանդդնութիւնն րնղդէմ առողջ վարղապեսէութեանն հա - կտԱակ յարուցելոցն, որք ամենայն րանիւք թակտեալք և քայքայե/ս/ք* չոլով* 182