«Էջ:Վահան Թոթովենց, Երկեր (Vahan Totovents, Works).djvu/501»–ի խմբագրումների տարբերություն

— Լուսավորչի աջն է,— ասում է պրոֆեսորին մի վարդապետ, որ հսկում է հավատացյալներին՝ գողություն չանեն։

— Սա այն գեղարդն է, որով ծակերին քրիստոսի կողը։

Պրոֆ․ Մելիք-Անդրեասյանը դուրս եկավ գանձարանից և մտավ եկեղեցու ներսը։ Մի ուրիշ վարդապետ մկրտություն է անում։ Ավազանի ջուրը կեղտոտ է, բայց չի կարելի փոխել — սուրբ է։ Զանազան հիվանդություններ ունեցող մանուկներին կոխում են միևնույն ջրի մեջ, վարակում են իրար։ Մկրտող վարդապետը, ծուլությունից հոգնած, մի երգ է թափում միրուքից վար, սրբում է երեխաներին սկզբնական մեղքից, այն առաջին մեղքից; որ այրում է կենդանական և բուսական ողջ օրգանական աշխարհը։