Չեմ գրում`
Քեզ եմ տեղավորում ասված տողերի մեջ,
Եվ խոսքս դառնում է չլսված պատմություն…
Սիրո մասին այլևս չեմ գրում,
Գրում եմ հանուն սիրո…
Նկատել եմ արցունքներ թաքցրած աչքերդ,
Որոնք իմ սրտում են արտասվում…
Սիրուց պոկվելը
Նման է կիսատ բանաստեղծության,
Որը ոչինչ չարժե,
Բացի նրանում եղած
ՍԵՐ բառից…
Ես այլևս չեմ գրում սիրո մասին…
Ներիր,
Չեմ գրում, քանզի անավարտ է մնում,
Չեմ գրում, ու սերը չի ավարտվի…
