Գրաբարի դասագիրք/Աւետարան ըստ Մատթէոսի գրաբար
1Եւ եղև իբրև կատարեաց Յիսուս զպատուԷր երկոտասանից աշակերտացն իւրոց, գնաց անտի քարոզել և ուսուցանել ի քաղաքս նոցա։ 2Իսկ ՅովհաննԷս իբրև լուաւ ի բանտին զգործսն Քրիստոսի առաքեաց ի ձեռն աշակերտացն իւրոց և ասԷ ցնա․ 3«Դո՞ւ ես որ գալոցն ես, եթԷ այլում ակն կալցուկ»։ 4Պատասխանի ետ Յիսուս և ասԷ ցնոսա․ «ԳնացԷ՛ք, պատմեցԷք Յովհաննու զոր լուայք և տեսիք։ 5Կոյրք տեսանեն, կաղք գնան, բորոտք սրբին և խուլք լսեն, և մեռեալք յառնեն և աղքատք աւետարանին։ 6Եւ երանեալ Է՝ որ ոչ գայթակղեսցի յիս»։
7Եւ իբրև նոքա գնացին, սկսաւ Յիսուս ասել ցժողովուրդսն զՅովհաննԷ․ «Զի՞նչ ելԷք տեսանել յանապատին․ եղԷ՞գն շարժուն ի հողմոյ։ 8Այլ զի՞նչ ելԷք տեսանել․ մարդ ի հա՛նդերձս փափկութեան զարդարեալ․ ահաւանիկ որ զփափուկսն զգեցեալ են՝ ի տունս թագաւորաց են։ 9Այլ զի՞նչ ելԷք տեսանել, մարգարԷ՞․ այո՛, ասեմ ձեզ, և առաւել ևս քան զմարգարԷ։ 10Զի նա Է, վասն որոյ գրեալն Է․ ահա ես առաքեցից զհրեշտակ իմ առաջի երեսաց քոց, որ պատրաստեսցԷ զճանապարհ քո առաջի քո։ 11ԱմԷն ասեմ ձեզ․ չԷ՛ յարուցեալ ի ծնունդս կանանց մեծ քան զՅովհաննԷս Մկրտիչ․ բայց փոքրիկն յարքայու-թեան երկնից մեծ Է քան զնա։ 12Բայց յաւուրցն Յովհաննու Մկրտչի մինչև ցայժմ՝ արքայութիւն երկնից բռնադատի, և բռունք յափշտակեն զնա։ 13Քաանզի ամենայն օրԷնք և մարգարԷք մինչև ցՅովհաննԷս մարգարԷացան։ 14Եւ եթԷ կամիք ընդունել, նա Է Եղիա, որ գալոցն Է։ 15Որ ունիցի ականջս լսելոյ՝ լուիցԷ։ 16Ո՞ւմ նմանեցուցից զազգս զայս․ նման Է մանկտւոյ, որ նստիցին ի հրապարակս, կարդայցեն զընկերս իւրեաց և ասիցեն․ 17Փողս հարաք ձեզ, և ոչ կաքաւեցԷք․ ողբացաք ձեզ, և ոչ կոծեցարուք։ 18Եկն ՅովհաննԷս, ո՛չ ուտԷր և ո՛չ ըմպԷր, և ասեն՝ դև գոյ ի նմա։ 19Եկն որդի մարդոյ, ուտԷ և ըմպԷ և ասեն՝ ահա այր կերող և արբեցող, բարեկամ մաքսաւորաց և մեղաւորաց․ և արդարացաւ իմաստութիւն յորդւոց իւրոց»։ 20Յայնժամ սկսաւ նախատել ըզքաղաքսն, յորս եղեն բազում զօրութիւնք նորա, և ոչ ապաշխարեցին։ 21«Վա՜յ քեզ, Քորազի՛ն, վա՜յ քեզ, Բեթսաիդա՛․ զի եթԷ ի Տիւրոս և ի Սիդովն եղեալ Էին զօրութիւնքն, որ ի ձեզ եղեն վաղու ևս արդեօք խորգով և մոխրով ապաշխարեալ Էր։ 22Բայց ասեմ ձեզ, Դիւրագոյն լիցի երկրին Տիւրոսի և Սիդովնի յաւուրն դատաստանի, քան ձեզ։ 23Եւ դո՛ւ Կափառանում, մի՛ մինչև յերկինս բարձրասցիս, այլ մինչև ի դժոխս իջցես․ զի եթԷ ի Սոդոմ եղեալ Էին զօրութիւնքն, որ ի քեզ եղեն՝ ապաքԷն կային ևս մինչև ցայսօր։ 24Բայց ասեմ ձեզ, եթԷ երկրին Սոդոմացւոց դիւրագոյն լիցի յաւուրն դատաստանի, քան քեզ»։
25Յանմ ժամանակի պատասխանի ետ Յիսուս և ասԷ․ «Գոհանամ զքԷն, Հա՛յր, ՏԷր երկնի և երկրի․ զի ծածկեցԷր զայս յիմաստնոց և ի գիտնոց և յայտնեցԷր տղայոց։ 26Այո՛, Հա՛յր, զի այսպԷս հաճոյ եղև առաջի քո։ 27Ամենայն ինչ տուաւ ինձ ի ՀօրԷ իմմԷ։ Եւ ոչ ոք ճանաչԷ զՈրդի, եթԷ ոչ Հայր․ Եւ ոչ զՀայր ոք ճանաչԷ, եթԷ ոչ Որդի, և ում Որդին կամիցի յայտնել։ 28Եկայք առ իս ամենայն վաստակեալք և բեռնաւորք, և ես հանգուցից զձեզ․ 29առԷ՛ք զլուծ իմ ի ձեզ և ուսարո՛ւք յինԷն, զի հեզ եմ և խոնարհ սրտիւ, և գտչիք հանգիստ անձանց ձերոց։ 30Զի լուծ իմ քաղցր Է և բեռն իմ փոքրոգի»։