Գրաբարի դասագիրք/Վասն զտաղանտսն տալոյ գրաբար
| ← 32․ Առակ որոման (Մատթ․ ԺԳ․ 24-30) | Մանուկ Աբեղեան |
34․ Աւետարան ըստ Մատթէոսի Գլուխ ԺԱ → |
14Այր մի մարդ գնացեալ տար աշխարհ՝ կոչեաց զծառայս իւր և ետ նոցա զինչս իւր։ 15Ումեմն ետ հինգ քանքար և ումեն՝ երկուս և ումեն՝ մի, իւրաքանչիւր ըստ իւրում կարի, և գնաց։ 16Չոգաւ վաղվաղակի՝ որ առ զհինգն, գործեաց նոքօք և շահեցաւ այլ ևս հինգ։ 17ՆոյնպԷս և որ զերկուսն՝ շահեցաւ այլ ևս երկուս։ 18Եւ որ զմին առ՝ գնաց, փորեաց զերկիր և թաքոյց զարծաթ տեառն իւրոյ։ 19Յետ բազում ժամանակի գայ տԷր ծառայիցն այնոցիկ և առնԷ համարս ի մԷջ նոցա։ 20Եւ մատուցեալ՝ որ զհինգ քանքարն առ՝ մատոյց այլ ևս հինգ քանքար և ասԷ․ «ՏԷ՛ր, հինգ քանքար ետուր ցիս, արդ աւասիկ հինգ այլ ևս քանքար ի վերայ շահեցայ»։ 21ԱսԷ ցնա տԷրն իւր․ «Ազնի՛ւ, ծառայ բարի և հաւատարիմ, որովհետև ի սակաւուդ հաւատարիմ ես, ի վերայ բազմաց կացուցից զքեզ․ մուտ յուրախութիւն տեառն քո»։ 22Մատուցեալ և որոյ զերկուս քանքարսն առեալ Էր, և ասԷ․ «ՏԷ՛ր, երկուս քանքարս ետուր ցիս աւասիկ երկուս ևս այլ քանքարս, զորս ի վերայ շահեցայ»։ 23ԱսԷ ցնա տԷրն իւր «Ազնի՛ւ, ծառայ բարի և հաւատարիմ, որովհետև ի սակաւուդ հաւատարիմ ես, ի վերայ բազմաց կացուցից զքեզ․ մուտ յուրախութիւն տեառն քո» 24Մատուցեալ և որոյ զմի քանքարն առեալ Էր, և ասԷ․ «ՏԷ՛ր, գիտԷի, զի այր մի խիստ ես, հնձես՝ զոր ոչ սերմանեցեր, և ժողովես՝ ուստի ոչ սփռեցեր։ 25Երկեայ, գնացի և թաքուցի զքանքարն քո յերկրի․ արդ աւասիկ քոյդ ցքեզ»։ 26Պատասխանի ետ տԷրն և ասԷ ցնա․ «Ծառա՛յ չար և վատ, գիտԷի՛ր, եթԷ հնձեմ՝ ուստի ոչ սերմանեցի, և ժողովեմ՝ ուստի ոչ սփռեցի․ 27պարտ Էր քեզ առկանել զարծաթդ իմ սեղանաւորս, և եկեալ ես տոկոսեօք պահանջԷի զիմն։ 28Արդ առԷք ի դմանԷ զքանքարդ և տուք այնմ, որ ունիցի զտասն քանքարն։ 29Զի ամենայնի, որ ունիցի՝ տացի և յաւելցի․ և որ ոչն ունիցի, և զոր ունիցին՝ բարձցի ի նմանԷ։ 30Եւ զծառայդ անպիտան հանԷք ի խաւարն արտաքին․ անդ եղիցի լալ և կրճել ատամանց»։