Դու իմ սըրտի պայծառ արեւ

ԴՈՒ ԻՄ ՍԸՐՏԻ ՊԱՅԾԱՌ ԱՐԵՒ

Դու իմ սըրտի պայծառ արեւ,
Սէ՜ր իմ, սէ՜ր իմ, աւա՜ղ.
Սիրով տամ քեզ հազար բարեւ,
Կարօտիմ քեզ դարեւ-դարեւ,

Սէ՜ր իմ, սէ՜ր իմ, աւա՜ղ,
Սիրով տամ քեղ հազար բարեւ։

Սիրոյդ վէրն իմ միշտ նորոգի.
Սէ՜ր իմ, սէ՜ր իմ, աւա՜ղ.
Թէեւ ինձ բիւր բարի ոգի,
Իմ աչաց լո՛յս, հոգւոյս հոգի՛,

Սէ՜ր իմ, սէ՜ր իմ, աւա՜ղ,
Սիրով տամ քեղ հազար բարեւ։

Քանի որ դու ի միտս իմ գաս,
Սէ՜ր իմ, սէ՜ր իմ, աւա՜ղ,
Յաչացս իմ արիւն կաթել տաս,
Ի հեռաւոր տեղիդ, յոր կաս,

Սէ՜ր իմ, սէ՜ր իմ, աւա՜ղ,
Սիրով տամ քեղ հազար բարեւ։

Սիրով քո միշտ սիրահարիմ,
Սէ՜ր իմ, սէ՜ր իմ, աւա՜ղ,
Եւ ո՛չ յուստեք մըխիթարիմ,
Եւ ոչ գիտեմ, թէ ու՞ր վարիմ,

Սէ՜ր իմ, սէ՜ր իմ, աւա՜ղ,
Սիրով տամ քեղ հազար բարեւ։

Երեսս է դարձեր իմ մոխիր,
Սէ՜ր իմ, սէ՜ր իմ, աւա՜ղ,
Բոլոր մարմինս եղեր է կիր,
Գըրելով քեզ արտասւօք գիր,

Սէ՜ր իմ, սէ՜ր իմ, աւա՜ղ,
Սիրով տամ քեղ հազար բարեւ։

---