Ձերոյն գերազանցութիւն, հայրախնամ բարերար վեհաղն տէր
Ձերոյն գերազանցութիւն, հայրախնամ բարերար վեհաղն տէր
Պատկեր շքեղ և տեսարան անճառելի
Ներկայանայ ծաղկազարդեալն այսօր յերկրի.
Իսկ յերկնայինքըն օթևանս լուսեղինաց
Դասք գումարին Սերովբիից թևատարած։
Պայծառազգեստ, ի ծափս ահեղ աշխարհ համայն
Ձայն արձակի բերկրապատար, ձայն աւետման,
Իբրև դշխոյ վարդապսակ և ոսկեվառ
Պարս յօրինէ, փողս հարկանի, փող փրկարար։
Իսկ ի բարձունս, ի հորիզոն եթերական
Արեգ փայլեալ յարքայական ի մեծութեան,
Ծագի յաշխարհ, զամենեսեան լուսաւոեալ,
Կենդանարայտ ճառագայթիւք փայլատակեալ։
Եւ այս զի՞ է, զի՞ արարածք ի գոյն կարմիր
Զուարթանուն յոգի, ի սիրտ խըրախայիր,
Զորո՞յ ըզփառս կամին սովաւ տրտայայտել,
Ո՞ւմ ի փրկեանս աւուր մաղթանս վեր ղերկել։
Նա ինքն այսօր, խաչեալ Փըոկիչ մեր հարուցեալ՝
Պարցևեաց մեզ զայս տեսարան պայծառացեալ.
Զկարծրանիգ դրունս խորտակեալ ըզդժօխայ
Ետ փրկութիւն, նոր կեանս համայն արարածայ։
Շնորհաւորեմ կենդանաբեր զսուրբ Զատիկ
Եւ ցանկամ Ձեզ, ո՜վ բարերար, կեանս երջանիկ.
Ցանկամ Ձեզ զամս, զաւուրս երկար, բարեբաստիկ,
Զերծ յաշխարհիս ի փորձութեանց բազմապատիկ։
Եկայք, մանկունք ճեմարանիս, համախմբեալ,
Պարս յօրինեալ Հօրս մեր խնամոտ բերկրապատար.
Ի մի բարբառ մեք գոչեսցուք խնդամտեալ.
«Շընորհավո՛ր Ձեզ Տօնս լիցի, Վե՞հ խնամատար։
Կեցցե՜, կեցցե՜ Հայր հասարակ որբացելոց,
Լուր, ո՛վ Փրկիչ, արեամբ պսակեալ բանից մերոց.
Կեցցե՜, կեցցե՜ մեծ բարերար, Վեհազըն Տէր,
Զուրախութիւն և ի պարծանս ազգիս անտէր»։
1860 ամի
Ապ. 1