Սոխակ ողբերգակ

Սոխակ ողբերգակ

Սիրակարկաչ սիրուն սոխակ
       Թըփոցն ի մէջ թագուցեալ,
       Զհրաշալուրն որա՛կ որա՛կ
       Զիւր գեղգեղէ ըզդայլայլ։
5 Մո՛ւնջ անդ և պարք մատաղատի
       Օրիորդաց կան յակթիռս՝
       Ի տեսանել աստի անտի
       Զերգչին յոստոյ յոստ ըզթիռս։
Բոցավառեալ ի գոյն բոսոր
       10 Վարդըն շաղով շողաշիթ,
       Դըշխոյափա՛ռ բազմի յաթոռ
       Յիւրն ի թըփիկ փըշախիտ։
Առաւօտեանն անդ և Զեփիւռ
       Շընչեալ հեզի՛կ, հանդարտի՛կ՝
       15 Զազգ ազգ ծաղկանց զանուշաբոյր–
       Սըփռէ համա՛յն ըզհոտիկ։
Տըխո՛ւր, սակայն, լըսի նըւագ
       Երաժըշտին օդական,
       Զի զԱրէլին վարդակայլակ
20 Երդէ զհեղումըն արեան:

---