Մահը, գիտե՞ս, մի լուսավոր առասպել է, քո՜ւյր
(Վերահղված է Մահը, գիտե՞ս, մի լուսավոր առասպել է, քո՛ւյրից)
Մահը, գիտե՞ս, մի լուսավոր առասպել է, քո՜ւյր
Մահը, գիտե՞ս, մի լուսավոր առասպել է, քո՜ւյր,
Կյանքը այնքան մեղկ ու անգույն ու անբեր է, քո՜ւյր:
Մահը անուշ, անրջալույս տրտմություն ունի.
Կյանքը սակայն շաչող, փախչող, անհամբեր է, քո՜ւյր:
Կյանքի կանչը անկումների ազդարար է լոկ.
Մահը սակայն Կապույտ Երկրի մի բանբեր է, քույր...