Որպես մի ցնդած պոետ
Որպես մի ցնդած պոետ
Որպես մի ցնդած պոետ՝
Ես այսօր կուզեմ երգել
Էմալե պրոֆիլը Ձեր —
Եվ երգով լինել Ձեզ հետ:
Կուզեի հույսով արեգ,
Աչքերում Ձեր բիլ ու խոր
Գուշակել երգերը, որ
Դուք մի օր պիտի գրեք:
Ձեր կապույտ հրով վառված՝
Կուզեի լսել ես հար
Ձեր վճիտ երգերը վառ,
Որ այսօր դեռ չեն գրված:
Եվ որպես ցնդած պոետ . —
Կուզեի անվերջ խմել
Լազուրե երգերը Ձեր —
Եվ երգո՛վ լինել Ձեզ հետ: